الشارع الذكي

الكل يعلم ان مدينة الرياض اختيرت لتصبح المدينة التقنية لهذا العام
وعلى ضوء ذلك تم تعيين شارع التحلية بمسمى
(الشارع الذكي )
من منكم جرب النت في هذا الشارع
علما ان النت مجاناً يعني جب الاب توب حقك واشتغل

عطونا مرئياتكم عن هذا الحدث وعن تجربتكم في هذا الشارع [center]

8
8
لرحت للرياض اعلمك

نعم ..

هذا جزء من تشغيل خدمة الواي ماكس



وقريبا جدا سيتم تعميمها على الرياض



انا ما استخدمت الخدمة في التحلية ..


بس حسب ما فهمت من موضوع سابق للدكتور مشعاب .. ان الخدمة تشتغل لمدة 30 دقيقة فقط ثم تفصل

واتوقع ان هذا بسبب ان الخدمة مجانية تجريبية




على فكرة ..

خدمة الواي ماكس .. مشغلة في الجبيل في منطقة الكورنيش كاملة عن طريق الهيئة الملكية .. مجانا وبدون قيود .. جب لاب توبك واقعد مثل ما ودك

وسمعت انهم كانوا بصدد تعميمها على الجبيل كاملة ولكن كان هناك معارضات من نوعين

الاولى من شركات النت القائمة الحالية والاتصالات طبعا حيث ان هذا سيضربهم سوقهم
الثانية معارضات من بعض الأهالي .. وش يقولون .. يقولون ما نبي نت كذا يقدرون يدخلونه عيالنا بدون رقابة <<< وهذا الراي ما هضمته ..



شكرا ديقش

توضيح ..


الواي ماكس ..


هي خدمة انترنت لا سلكية (واير لس) .. على نطاق وسيع (broadband wireless)


تعمل على ترددات أعلى تصل لمسافات أكبر يمكن من خلالها تغطية مساحات واسعة


وبالتالي تغطية مدينة كاملة







وعلى فكرة الرياض ستكون أحد 12 مدينة فقط في العالم سيطلق عليها مسمى المدينة الذكية



تحياتي

انا اعرف اللي بالجبيل
ومسوينه بالرياض <<<تو ادري

بس اعتقد لو يعممونه على الرياض بتهز ميزانية الأتصالات والنت

شقحه ومزاجيه


اذا شغلوه بالرياض رسمي


لن يستمر مجاني


وراح يبقى يقدم عن طريق شركات وشبكات بآلية معينة

شموخ بريدة
ازرقي يومين للرياض وجربي والبنات ما يقصرن بالضيافة

سحاب
الاخ رساوي قام بالواجب واكثر

رساوي
يعطيك العافية على الاضافات والمعلومات القيمة


شقحه مزاجية
الى متى وهم يلعبون علينا وسالبين مخابينا
خلاص يكفي الخدمات الثانية .
بعدين حنا اقل دول تقدم النت على الشكل المطلوب
في بريطانيا وامريكا النت عن طريق كيابل ولا يوجد تقطيع
والسرعة 2 قيقا والسعر لا تنشدون شي شبه مجاني .

في الخارج ..

تحديدا في امريكا وبريطانيا ..


عندهم كيبل


وعندهم دي اس ال




الكيبل ممكن تشرك فيه مع اشتراكك في الكيبل التلفزيوني


والدي اس ال تشترك فيه من نفس شركة الهاتف .. وطبعا عادة يكون في منطقتك أكثر من شركة هاتف .. يعني طب وتخير



أما السرعة (2 ميجا) فهذي من صيد أمس


الحين وصلوا 8 ميجا


طبعا .. بالنسبة لدي اس ال .. ما عندهم شي اسمه (رسوم شركة الاتصالات) + (قيمة الاشتراك)


أما الأسعار فحدث ولا حرج ..


في بريطانيا .. قبل سنتين كان دي اس ال (2 ميجا) والداون لوود مفتوح ومميزات أخرى لا يمكن أن توجد عندنا .. تكلفته الشهرية ما تتعدى 180 ريال فقط لاغير

أما الحين .. دخلت قبل شوي على موقع شركة BT البريطانية ..


لقيت (8 ميجا) سعره شهريا (190 ريال فقط لاغير)


هذا طبعا أفضل (عرض) أو (باقة) وفيه عروض ثانية أقل من ناحية المميزات مع بقاء السرعة 8 ميجا .. وسعر أقل باقة الشهري 126 ريال فقط لا غير


هنا مزيد من التفاصيل






هذا في بريطانيا وهي تعتبر متخلفة عند امريكا

بلاش يا جماعة الخير
وش نسوي بالي عندنا هذولي

اخخخخخخخخخخخخخخخخخ بس

8 قيقا ..


للحين أهل المريخ ما وصلوه

حلم العالم كتب:

بروفسور مشعاب كتب:

رسـّــــاوي كتب:

في بريطانيا .. قبل سنتين كان دي اس ال (2 ميجا) والداون لوود مفتوح ومميزات أخرى لا يمكن أن توجد عندنا .. تكلفته الشهرية ما تتعدى 180 ريال فقط لاغير
أما الحين .. دخلت قبل شوي على موقع شركة BT البريطانية ..
لقيت (8 ميجا) سعره شهريا (190 ريال فقط لاغير)
هذا طبعا أفضل (عرض) أو (باقة) وفيه عروض ثانية أقل من ناحية المميزات مع بقاء السرعة 8 ميجا .. وسعر أقل باقة الشهري 126 ريال فقط لا غير
هنا مزيد من التفاصيل
هذا في بريطانيا وهي تعتبر متخلفة عند امريكا

8 قيقا لو غيرك يارساوي ما صدق



ابوعابد الله يجمعني واياك ورساوي في ضل عرش الرحمن يوم القيامة يابومتعب




تحياتي

وبعدين وش حيث تدعي لك أنت وأبو عآبد ورسّـآوي وأنآ لآ؟ يخوي حطّن معكم ولو بآخر شي عسى الله يتقبّل

رسـّــــاوي كتب:

8 قيقا ..


للحين أهل المريخ ما وصلوه

إن عش يارساوي غير تشوفه


تحياتي

صحيح ..

(علم الانسان مالم يعلم)

انا اقول ان السعوديه اكوس ديره بالعالم
<<< توه مستلم الجنسيه

ديقش ..

ياقل ملح شباب الرياض بدون الفاكس اللي يقول عنه رساوي
وشلون لو صارت الخدمه بكل الرياض؟!!
الحييين رزة جواالالالات ومسوين زحمه
بعدين ماتشوف الا الواحد منهم يسوق الموتر وحاط اللاب توب على الطاره
عندنا فهم وتعاطي عجيبين للتقنيه !!

برفسور مشعاب ..

وش رايك نهاجر لجزر الكناري؟
نقعد على الشواطي تحت العريش اللي مصنوع من عسبان النخل
ونضررررب من هالكوؤس
7
7
7
7
7
7
7
7
7
7
اقصد كوؤس شراب جوز الهند اللذيذ

هذا غير اللي يتندحن قدامنا ويستعرضعن بالبحر
7
7
7
7
7
7
7
7
7
اقصد القوارب الشراعيه

الله من واحد وواحد تفكيره شطط وراااح بعيييد

:D

عاد هذولي شبابنا وش نسوي فيهم
الله المصلح والهادي
لكن اذ عمموا النت للرياض كلة
فالامر اكيد اجابي مع بعض السلبيات القليله

برجس والله انك صادق


تعرف .. الـ GPRS


جوال نت ..



تقدر تشبك جوالك باللاب توب وتشبك على النت


وسرعته جيدة





كثير من الشباب يستخدمون هالشي



تحياتي

لا تقول متى الوقت يمضي بسرعه البرق
شف بريدة قبل 10 سنوات وشفها الحين
وانت تعرف ان كلمة متى صارت قريبة

الا تخيلوا بس يحطونه عندنا بالرس!!