| لــلــســعــوديــيــن فــقــط !! | |
|
+11كلورا اطلق وحده حلو مملح مجنونهــــــــا بريداوي أصيل عيون المكيف سحاب وتين انا charizma حمــ خجل ــرة رسـّــــاوي 15 مشترك |
|
كاتب الموضوع | رسالة |
---|
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: لــلــســعــوديــيــن فــقــط !! السبت 24 مارس 2007, 3:01 pm | |
| كان يمشي
والطريق اطول من افكاره
وحزنه
ما معه غيره
ولا حتى ظلاله
في يديه اوراق
كفّنها بنفسه
في ملف اخضر
بهت لونه
من الشمس وحرارتها
وحله وارتحاله
وابتسم بينه وبينه
فكّر يوصي عياله
إن تزوج !!
من بعد عمرٍ طويل
لا توفى
وفتحوا تركة جروحه
وشافوا العلاّق الاخضر
يكملون اللي بدا به
من مشاوير البطاله
..............
في طريقه
شاف نفسه
فـــ 1000 واحد
يشبهونه
في ملامح كل ما يحمل
وما تحمل يديهم
من ملفاتٍ بها الأمال تُعقد
ورغم ذلك
ما تعقّد !!
قال : تُفرج
والفرج وينه ووينه ؟؟
والوظائف
للسعوديين
تُعلن
كل يوم وكل ليله
والشروط اربع شروط
1-الشهاده جامعيه
2-اربع سنين اقدميّه
3- العمر ما جاوز الخمسه وعشرين بــ دقيقه
4-الإقامه تقبل لنقل الكفاله !!!!
وابتسم للمره المليون
ما بينه وبينه
ثم غنّى للبطاله
( سارعي للمجد والعلياء )
والملف الأخضر العلاّق
في أقرب زباله !!!!!!
المبدع
زايد الرويس
| |
|
| |
حمــ خجل ــرة قـصـمان
عدد الرسائل : 11 تاريخ التسجيل : 20/03/2007
| موضوع: رد: لــلــســعــوديــيــن فــقــط !! السبت 24 مارس 2007, 4:01 pm | |
| بجد قهرررررررررررر والله ..
ينرحمون بجد .. وش نتوقع منهم بعدين غير الضياااااع ...؟؟؟ | |
|
| |
charizma Admin
عدد الرسائل : 207 تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 4:11 pm | |
| الله يكون بعونهم
المشكلة ان الأجنبي لاقي الخير بديرتنا والسعودي ما يبي الا وظيفة رسمية ياخي فرص الأعمال الحرة ذهبية بس تبي اللي يجزم ويقنع بالبساطة بالبدايات مشكور | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 4:50 pm | |
| حمرة خجل .. أهلا وسهلا بك .. تساؤل يطرح نفسه وبقوة شكرا لك | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 5:02 pm | |
| - ياسـر كتب:
- الله يكون بعونهم
المشكلة ان الأجنبي لاقي الخير بديرتنا والسعودي ما يبي الا وظيفة رسمية ياخي فرص الأعمال الحرة ذهبية بس تبي اللي يجزم ويقنع بالبساطة بالبدايات مشكور واحد من الشباب يحكي لي .. يقول كان عندهم هندي موظف في الهيئة الملكية .. استقال وطلع على أساس انه خروج نهائي .. يعني الهيئة الملكية ما عاد لهم رغبة فيه يقول الرجال .. ويوم من الأيام عقب شهرين تقريبا من إنهاء عقد شافه يشتغل من شركة من شركات المقاولات (نظافة وصيانة) .. وحاطينه مشرررررف .. يقول حز في خاطري هالشي .. يقول المهم .. مرة كان فيه لي ولد عم معه شهادة ثانوية ولا لقى له وظيفة .. فتذكرت الهندي خوينا .. رحت وكلمته قالت له اويلاه يا فلان تكفى وظف ولد عمي عندكم في النظافة والصيانة وش رد الهندي (والله هزا واجد مشكل .. أنا ما يقدر يوظف هذا نفر .. شركة ما يوافق .. بس اذا في نفر هندي ما فيه مشكلة على طوووول جيب وظيفة) شف الغبينة يا أبو صالح ... في المقابل عندنا نماذج من الشباب ما تقدر الخير والنعمة .. هذا واحد من الشباب للحين ما كمل ثانوي .. ولاهب راعي دراسة .. سعى له نسيبه في وظيفة في شركة من شركات المقاولات المعروفة .. وبالفعل قدر انه يوظفه براتب 5000 ريال بالشهر .. طبعا الدوام 10 ساعات باليوم من السبت إلى الخميس .. والوظيفة سائق تهقى وش سوى أخونا هذا .. أولا من يوم استلمت بطاقة العمل .. ومكتوب عليها الوظيفة سائق .. وش سوى .. راح جاب له شي حااااد وحك البطاقة وشطب كلمة سائق .. يقول وش بقول لخوياي اذا شافوا كلمة سائق << الأخ قايل لهم انه توظف معقب هل توقف عند هذا .. والله انه ما كمل شهر بالوظيفة .. وقدمت استقالته .. ليش ؟! ما أبي أبعد عن القصيم .. كل خوياي هنااااك يعني صورتين متقابلتين .. مزعجة جدا جدا شكرا أبو صالح | |
|
| |
وتين انا قـصـمان
عدد الرسائل : 58 تاريخ التسجيل : 18/03/2007
| موضوع: رد: لــلــســعــوديــيــن فــقــط !! السبت 24 مارس 2007, 6:39 pm | |
| بجد مساكين والله اني ارحم هالشباب ماغير يتمشون بهالملف الاخضر ولا بالاخير مايتوظف الا بـ 1500 وبعد زين ان جاه هالراتب ذاك اليوم اشوف بلوتوث يقول طالبين موظف صيد ثعابين من النوع الامريكي ولازم يصير عنده خبره 10 سنين ولازم يصير عنده لغه انجليزيه يعني وش يبي باللغه هالحين يبي يكلم الثعابين باللغه هههههههه الله يعظم اجرهم قد سمعت انه فيه واحد بريطاني ياخذ راتب بالشهر 400000والله العظيم اني مااكذب وقد جاء واحد ببرنامج بالاخباره قد قاله ياقهرررررررر بس شبابنا ملحطين وهالاجانب مبسوطين بفلوسنا الله يكون بعونهم | |
|
| |
سحاب قـصـمان
عدد الرسائل : 332 تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 6:47 pm | |
| مساء الخير ... يحكي الشاعر عن معاناة كثير من الشباب رأي خاص ... فيه نوع من الشباب .. من كثر اهتمامه بشكله وشوفته نفسه .. وش الوظيفه الي بتدخل مزاجه ويشوف انها مناسبة له مشكلة البطالة .. صح انها عالمية ويمكن للي اوضاعهم الاقتصاديه منخفضه بس حنا وش السبب عندنا ؟ هو السبب من الشاب نفسه ولا الدولة ولا فيه سبب خفي مانعرفه ؟ كثير من الشباب يقول ماعندي استعداد اتوظف بأي مكان ولا بأي راتب تحياتي
| |
|
| |
عيون المكيف قـصـمان
عدد الرسائل : 165 تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:34 pm | |
| البطاله بالبيت وهنيّا بعد عندنا وعندكم خيررررر : : سحاب يختي ما جربتي ذل الأهليه تقل نطر منهم يبون روسنا بالأرض ونطيعهم ونقول لبيه وراه موب حنا نشتغل وهم يدفعون راتب ولاهي كذا فشخره بالمدارس وحنا ضايعين بالكرف لكن شوفي كثرت بالمدارس الاجنبيات بدون تحديد جنسيه لأنهم لو يقولون له أقعدي بالمدرسه الى العشاء قالت ميخالف وان قالوا كمله هم الصح وهي الخطاء وحنا ما نرضى كذا ومستحيل مدارس ترضينا غير الحكوميه بيدهم التقدير فقط موب عقد كل ما سوينا شي لوحولنا بوه تقل جايبيننا على كفاله | |
|
| |
charizma Admin
عدد الرسائل : 207 تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:36 pm | |
| بالمقابل يارساوي قبل تقريبا سنتين لقيت واحد من الشباب ماسك محل خضار فترة مسائية... يعني مثل ماتقول يشتغل الفترة المسائية بمحل الخضار سلمت عليه وش الاخبار وش العلوم قال ابشرك تراي بادين اعمر بيت ...قلت ماشاء الله ... قلت له انت تشتغل هنا قال ايه بالليل فقط أما الصبح فأشتغل بالجمعية الخيرية .. عاد ما أدري هل ابوه مساعده بالبيت أو لا بس شف وش لون شباب يعمل ويجاهد النفس وأحدهم بدأ بالخضار من الصفر ..والآن سوقه ماشاء الله بالرس من أفضل شي ...وشرى موتر جديد ب 130 الف ... ومتيسرة اموره الديرة به خير .. بس وين اللي يجاهد النفس | |
|
| |
بريداوي أصيل قـصـمان
عدد الرسائل : 235 تاريخ التسجيل : 17/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:44 pm | |
| إيه يارساوي جيت على الجرح النازف <<<< لايفوتك الرومنسية ... الأجانب اخذين ومسيطرين حتى على عقول اصحاب الشركات الخاصة ... وحجة اصحاب الشركات ان السعودي مايشتغل ... طيب انت وش انت ... طيب كل الشعب السعودي واحد ... عط اللي يجيك فرصة ... . وتين تقولين اربعين الف ... وش رايك بدكتور بالجامعة راتبه ستين الف ... قهررررررررررررررر بعد تروه امريكي ... بس مادري هو مسلم ولا لا...؟؟؟!!! ... | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:50 pm | |
| وتين .. فعلا وللأسف الشديد هذا واقعنا المؤسف .. الله يصلح الأحوال | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:51 pm | |
| سحاب .. أعتقد أن الأمر يعود على طبيعة التربية هذا نشأ مدللا والآخر ذاق مرارة العيش شكرا لك تحياتي | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:52 pm | |
| عيون المكيف .. شكرا لمرورك تحياتي | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:53 pm | |
| ياسر . صحيح ... اللي ذكرته صحيح أنا معك الكثير من الشباب مستعد للتضيحة والبذل .. شكرا لك | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 7:55 pm | |
| بريداوي .. المشكلة أن الأجانب وخصوصا من الجالية الهندية .. يسوون مثل الحزب المغلق ضد غيرهم وخصوصا السعودي أما الراتب اللي تقوله وتين فهو 400 ألف ترى 40 ألف أو 60 ألف مهب شي خصوصا هالأيام تراهم الحين يجيبون الهنود برواتب 20 ألف .. فما بالك بغيرهم شكرا لك | |
|
| |
مجنونهــــــــا قـصـمان
عدد الرسائل : 264 Localisation : المذنب الشريف تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 8:04 pm | |
| أخوي رساوي,,, مابين عقدة الأجنبي (وإنه يفهم كل شيء),,, وبين عدم إنضباطية (بعض) شبابنا وتقديره للعمل والنظام,,, تأتي أعذار أرباب العمل بعدم توظيف السعودي!!! أنا أبفهم شيء واحد,,, الحين أنت إذا وظفت مواطن فأنت زود على تقليلك نسبة البطالة فإنك تكسب إبن الوطن خبرة تأتي ثمارها في مصلحة الوطن في المقام الأول بعكس لو كان الموظف أجنبي,,, أنا أستغرب من بعض المسؤولين إذا قال ( ليه مايتوظف السعودي براتب 1000 ريال!!) يعني هالألف هذي وش بتكفي؟؟ تسديد فواتير؟؟ أو مصاريف شخصية؟؟ أو يدخر منها شيء حتى يكون نفسه ويتزوج ويبني بيت؟؟!!! والمشكلة لو صارت لولده مافي أمل يرضاها!! ماأقول إلا,,, عاشت عاشت بلادي!!! شوكرااان جزيلين... | |
|
| |
حلو مملح قـصـمان
عدد الرسائل : 162 تاريخ التسجيل : 16/03/2007
| موضوع: رد: لــلــســعــوديــيــن فــقــط !! السبت 24 مارس 2007, 8:26 pm | |
| قسم بالله انه قههر ويبون يحاربون الفساد الفساد موجود دام الشباب فاضين وغيرهم هم الي ياكلون من خيراتنا | |
|
| |
اطلق وحده قـصـمان
عدد الرسائل : 307 تاريخ التسجيل : 17/03/2007
| موضوع: رد: لــلــســعــوديــيــن فــقــط !! السبت 24 مارس 2007, 8:28 pm | |
| هذا حنا يالسعوديين خيرنا لغيرنا.. مااقول الا الله المستعان.. | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 10:37 pm | |
| مجنونها .. وكل مسؤول سوق يسأل عن مسؤوليته سوف يسأل عن أمانته شكرا لك | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 10:38 pm | |
| حلو مملح .. نحن بحاجة لوقفة جادة ومراجعة مشاكلنا شكرا لك | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! السبت 24 مارس 2007, 10:39 pm | |
| أطلق وحدة .. فعلا .. بعضهم يغلب المصلحة الخاصة على العامة شكرا لك | |
|
| |
كلورا قـصـمان
عدد الرسائل : 234 تاريخ التسجيل : 17/03/2007
| موضوع: رد: لــلــســعــوديــيــن فــقــط !! الأحد 25 مارس 2007, 1:02 am | |
| الله يعينهم من جد السعوديين اذا بيتوظفون طلعوا لهم شروط تعجيزيه واول شي الخبره هم توهم متخرجين من وين لهم خبره ؟؟ | |
|
| |
ام الهنوف قـصـمان
عدد الرسائل : 125 تاريخ التسجيل : 16/03/2007
| موضوع: رد: لــلــســعــوديــيــن فــقــط !! الأحد 25 مارس 2007, 6:46 am | |
| ها الصوره تعبر .. علقها الضعيف على جسر مشاه في طريق الملك فهد ضحكت على اللي راتبه 400 ألف ريال عساه ما يتهنى فيها هذا أمريكي ويشتغل بمستشفى الملك فيصل التخصصي في قسم استحدثوه يعلمني اخوي ويقسم انه ما يدري كيف يشغل الأدوات ويسئل السعوديين عن طريقة عملها وش رايكم عاد , شي يذبح القلب عساه للذبحه الصدريه اللي تجيب أجله وغير مسلم بعد يعني ألعن وألعن غير سياره بسواقها موديل السنه وكل 6 شهور تغير له وبيت مجاني والتذاكر لامريكا مفتوحه ودرجه اولى | |
|
| |
الــ راي ــق قـصـمان
عدد الرسائل : 189 تاريخ التسجيل : 16/03/2007
| موضوع: رد: لــلــســعــوديــيــن فــقــط !! الأحد 25 مارس 2007, 9:05 am | |
| نرجع ونقول إن اللي مآله وآسطه هالوقت يطلب الله ،، عند الوآلد بالدوآم خبيـر << الله أعلم خبير أيش ، من الجنسيّه الكنديّه رآتبه 42 ألف ، يقول أنّه يجي للدوآم بهيئه ولبس يخليك ترحمه هالضعيّف ومآمعه سيّآره بعد ،،، | |
|
| |
رسـّــــاوي قـصـمان
عدد الرسائل : 875 تاريخ التسجيل : 15/03/2007
| موضوع: رد: لــلــســعــوديــيــن فــقــط !! الأحد 25 مارس 2007, 9:07 am | |
| - كلورا كتب:
الله يعينهم من جد السعوديين اذا بيتوظفون طلعوا لهم شروط تعجيزيه واول شي الخبره هم توهم متخرجين من وين لهم خبره ؟؟
فعلا .. ولكن هالأيام كأن الشروط بدت تقل لأن الفرص الوظيفية بدأت في الازدياد في القطاع الخاص شكرا كلورا | |
|
| |
| لــلــســعــوديــيــن فــقــط !! | |
|