قررت اجمّـع جنوني وادخل بريده // مع الغالي حجلان !

0

يسعد مساكم

الساعه الحين 11 ليلا ً

من الظهر وانا احاول اضيف هالموضوع

لكن .. الاتصال عندي دمااار

ان شاءالله انه يزين لين أرسل هالموضوع

===========

رديه قديمه بالحيل قووه بيني وبين الغالي حجلان

0
الغريبــــة :

قررت اجمّع جنوني وادخل بريده



من شان تقنع بأن الجن تحت امري

0

لا تحسب انك عليّه صايد صيده

تعشقني جنون شعري // كان ما تدري







حجــــلان :



الشايب اللي وقف لك ماسك بيده

منظار ليلي يبي ياقف ولايسري

0
من شان لاجيتي ابي اجرّ تنهيدة

واقول يامرحبا جانا الهوى العذري





الغريبــــة



مالي انا بالهوى طاري .. ولا اريده

جيتك اوريك كم جني سكن شـِـعري !

0

طاريه – يا عم - لا تعيده ولا تزيده

بدري علينا الهوى يا عمنا بدري







حجــــلان :



0

أسمع كلامك واقول الحب تغريدة

بنت ٍ وخلت جنون الحب لو يغري

0

لاشك لاشفت فعلك قلت جا عيده

ماتخلفين الفعول اللي على خبري





الغريبـــة



تركـت أنا الحب.. واستحكامه وقيده

أرثع بحالي .. ومل ّ الصبر من صبري

صرت اهـتـني بالكرا .. واحـْـلامي اسعيده
وما عاد ذكرى المحبه عندنا يطري









حجــــلان :



يابنت جريتي بها الصبـح تنهيـدة

سمع بها حدر الاجداث الفحل بصري

0
وانـا سمعتـه وحرتـنـي بترديـدة

مثل القنابل الى من فجرت صخري







الغريبـــة



خلااااص أنا خط سيري صاير ٍ سيدا


ما عاد اماشي دروب ٍ خطها جبري



0



العاقل اللي من الحب يغـَـسـِـل إيده



وملزوم قلبي يطيع ويمتثـل لامري







حجــــلان :





انا مع الصدق لكن طحت بالبيـدا

واغرقت بالتيه يوم ان القمر يسري

0
تراي اعرفج وحبج ماانطلق قيـدة

توه رهينن بقلبـج للعظـم يبـري



الغريبـــة



ياعم ما كل رميه جت بتسديده

وش آخرة هالدروب القشر ؟ ماندري



الجرح ما عاد ينفع فيه تضميده

لكن مقدّر على هالعبد ما يجري

راااااااااائعة
الله الله
ماقصرتوا الصراحة
صح لسانتس ياشوق ...,الله يذكر العم حجلان بخير

الغريبة وحجلان


حجلان والغريبة




كم مرة ومرة استمتعنا بهذه الرديات بينكما


ايييييه


فعلا كانت رديات قوية وممتعة





بس كان غالبا حجلان هو اللي ينسحب !!



شكرا يالغريبة ..

اتحفتينا بالرديه الرائعة



صح لسانك

وصح لسان حجلان



تحياتي

ابو صالح

شكرا لقلبك

وصح بدنك

وش جايتس

يالغريبه هاليومين على الذكريات

صح لسانك يالغريبة

وصح لسانك ياحجلان

مساجلة ممتعة تعود لايام مضت

الاشياء الجميلة كلما تقادم بها العمر
زادت قيمتها

ننتظر اكمال (نبش) دفاتر الماضي
لنتذكر كيف كان منتدانا الجميل

.
.
صح لسانك ولسانه
.
.
"تلك الايام نداولها بين الناس"
.