عبدالله بن شايق

العفو بريداوي



اسمع هذا

شاعر معروف ورائع

شكرا لقلبك

للأسف حاليا ما عندي سماعات

==

الغريبة ..

لاتفوتك حق الحروف الهجائية ..


اسمعيها في أقرب فرصة



تحياتي

على فكرة ..


انتقل إلى رحمة الله الشاعر (صياف الحربي) .. قبل يومين


نسأل الله له المغفرة والرحمة

الله يرحمه ويغفر له

صياف كان علم من اعلام المحاوره

هذي المحاورة

كانت عام 1417 هجري

أخذت شريطها من النسيم من الجنادرية في شارع حسان بن ثابت مدري الحمزة


المهم هو الوحيد اللي حصلتها عنده


حصلت فيها العديد من المهتارات من الشاعر مسفر الدغليبي

والذي أذكر ان الذي قدمه في الحفل

هو راشد جعيثن

و لكن حدث محاورة قوية جدا بين بن شايق وسفر


كان سفر مندفعا إندفاعا حماسيا طائش

عندما سمع سفر راشد يقول عنه اصغر شاعر في المحاورة


فجاء بسقطات في اخر المحاورة


تسبب في مشكلة كبيييرة جدا


لو حكمة بن شايق

اذكر كانت البداية من سفر لما قال

وغن لم تخني الذاكرة و لا احد يركز

سلام ردية بالظبط مضبوطه /// موثقن ساسها ماهي بملقوطه
واللي يبي ................/// والنار ماتحرق يا غير واطيها

ثم قال بيت عرض

إقرب يابن شايق وانا وانت ونشوف /// نلبس المعنى جداد لبوسها

ثم رمى الثاني وابن شايق لازال ساكت

يا صاحبي وش حصل وش فيك وش صابك // / اشوف وجهك حمر وتفتل أشنابك
ياذيب ياللي عتيبه كسروا نابك //// والنار ماتحرق ............

قال ابن شايق

يامرحبا ياصغير السن وشلونك //// يا الشاعر اللي ما غيرك نفغص عيونك

والله لا أقدرك واغليك واصونك //// والنار ماتحرق .................


ثم استمرت المحاورة بإشتعال من سفر وطيش وبرود هادئ من بن شايق

حتى قال سفر هالبيت ولا اعلم ما السر الذي يحمله

والبكرة اللي بين غالب ومغلوب /// حينا ترانا خابرين علومها ))

ثم قامت الجامهير بصجه ولجة وازعاج وحالوا فيما اعتقد ضرب سفر

حتى تدارك الموقف بين شايق

ومسك المكرفون

وقال

إجلس ياولد اجلسوا

حنا ترنا جينا الدعوى محاورة تبون تسمعون ولا سرينا


وبقيت صجة الجمهور

فبسرعة وبلحضة قال بن شايق بيتا يبي الصفوف تشيلة ويهدي الوضع


والله ونعم نعم بكل القبايل /// من راس ابها ليا ضلع حايل
.........................../// .................


ولم يقم احد بالاستماع

فقدم هالبيت كانه يعتب على المعزب ويعتذر منه

الملعبة ذا الليل ما هي بي لي //// حالوا ضيووووووووووف الخير من دونها

واصلا هي اول محاورة وكانت اخر محاورة بينهم
وكان في تلك المحاورة

معهم

شديد الرياحي

وشايع العيافي


وانا مستعجل الان


وهي المحاورات العالقة بذهني و لازلت اذكرها


مراسل مكرفون القصمان

بروف مشعاب من جدة والذي يتمع باجازة 4 اريام فيها ومن مقى سرى الليل في جدة شارع حمد الجاسر مقابل مطعم الهاشمة تلفون رقم .............

سحاااب ..


هلا بك أختي ..



لست بشاعر


ولكني محب للشعر



بس ليش السؤال ؟!



تحياتي

برفسور مشعاب ..


أظني أعرف المحاورة الل تتكلم عنها ..


وقتها كان الدغيلبي ما زال طالب جامعي ..



وكان مما قاله بن شايق فيها ...

يا مرحبا ياصغير السن وشلونك ** يالشاعر اللي ماغير تنفص عيونك
والله لاقدرك واغليك واصونك *** والنار ما تحرق إلا رجل وااااطيها




ولكن فعلا ..

بن شايق أحرج الدغيلبي في آخرها ..



ولكني ما كدت سمعتها كاملة ..

سمعت أجزاء منها من صديق من حفاظ الشعر والمحاورات ..




تحياتي لك

رساوي يوم كتب ردي عليك

وانا بالمقهى احسب اني اشتراكي يبي يخلص

واثر اشتراكي ساعتين ماهو ساعة


فدقيتها ريوس وحررت الموضوع

ارجوا ان تعيد قرات ردي بعد التحرير




تحياتي

رسـّــــاوي كتب:

على فكرة ..


انتقل إلى رحمة الله الشاعر (صياف الحربي) .. قبل يومين


نسأل الله له المغفرة والرحمة

الله يرحمه انا اشهد انه ممن حمل راية المحاورة مع زميلة الدكتور مطلق الثبتي

الى قمتها

تدري وش ميزة ابن شايق ..


انه رجل ..


يعني صحيح انه في محاوراته احيانا يدفن على ما قالوا ..


لكنه بشكل عام ما يسيء للي قدامه


واذا أساء تكون كرد على اللي أمامه هو شخصيا ولا يتناول فيه القبيلة أو شي مثل كذا



والمحاورة عنده للمتعة والوناسة والشعر .. لا لأي أمر آخر


في هذي المحاورة بالتحديد ..



قال في آخر المحاورة بعد الضجة اللي حصلت كما ذكرت أنت


كان من ضمن ما قال


اما تعال اهرج بهرج طيب *** والا انكتم والبخ ...........




أحسن من يتحاور مع ابن شايق من وجهة نظري .. هو عبدالله العير المطيري


يعني كلهم شعراء كبار وفاهمين ... وكل الدعوة بينهم وناااسة




شكرا مشعاب

عليه شنب ما ودك تشوفينه

عبدالله بن شايق

ايييييييه



الشعر



يالروعة الشعر



ودي لو اني شاعر



كان ماسويت سواة بعض الأعضاء اللي عندهم امكانيات شعرية مهب سهلة ولكنهم متغبين



:)

سحاب كتب:

منهم الي متغبين ...

مااعتقد الي عنده امكانيات راح يخفيها

هو احد قدر يخفي شاعريته ... ؟

فيه ناس خطيرين


بس اصبري اذا رجعنا المنتدى نخليهم يطلعون غصب


تحياتي

رسـّــــاوي كتب:

فيه ناس خطيرين


بس اصبري اذا رجعنا المنتدى نخليهم يطلعون غصب


تحياتي[/quote]

لا الغريبة معروفة


ما أقصد الغريبة



لكن تعرفين في الأيام القادمة