هووو بذاااا احد؟؟

بسم الله الرحمن الرحيم

احم احم
هوووو بذاااا احد؟؟؟؟؟

شكلهم شالوا عفشهم ومشوو
اييييييه توووو ما يضبط الجوووو

خل مير ادور قطوووف تتن
وازقررر على راحتي

ابفصخ ثوبي واعلقه لدام مافيه الا انا
اشين شي بالحياة عندي اثنين
الشئ الاول : الرسميات
الشيء الثاني : طلعت لامي

طلعت لامي اسمه ما اعجبن لذلك مالي خلقه

:D

والله يابغثر تسبدي رساوي هو وحركاته النص كم
مسوي فيها راعي موقع ويمووون على الاعضاء
طسسسسسس فارتزز هناااااااك

المشكله انه خلا بريداوي يتجرأ علي ويطيح الميانه
عاااد بريداوي مندفع ومتحمس خلقه
بدون محد يخف بوووه

يذكرون انه سنة من السنين بغى يروح للبنان يبي يجاهد مع حزب الله
شاف الاسم زين يحسبهم على يمه
لولا عمه سحب جوازه والا تسان رايح
فك الله عينه

وشن هالدواليب؟
خل اروح اشوف وش بهن

:D

وشو هالدولاب البني
مكتوب عليه كلالام
خل اشوف

الكحلي سابقا هو ابوعبدالله
الشاب اللطيف الوسيم الحليل

ايييه وش على مدّاح روحه
تمدح روحك ياللحجي
الله من زين الامور
لا وحاطن ورد حمر وخضر ودنادنيش
ابووووووووووك يامزااااااج اللحوج

خل افتحه وشوف انتسانه ناسي شيء

وشو هالدفيتر
شكلووه ناسيه

اوتوقرااااف خااااص بالكحلي
سبتمبر 2007

يسمع بالاوتوقراف هو وخشتوووه
لا وحاطن التاريخ سبتمبر
توووه مابعد جاء سبتمبر

وشو كاتبه بهالاتوقراف على قولته

مقدمه

حينما تغيب الشمس ويطلع القمر!!
اكوون انا ذلك القمر !!( تكفى انت وخشك )
انتظريني وقتها ايها الجميله عند ضفاف النهر!!
انتظريني فانا بكل شوق انتظرك على احر من الجمر!! (لا تخلينا ياراعي الشوي)
فلقد طاااااال بي الصبر!!
وملييييييت وأنا انتظر !!
يامنى قلبي ياشبية البدر !!

الكحلي
10 نوفمبر 2005

اقووول ياملغك انت ومقدمتك

خل اشوف الصفحه الثانيه

:D

يعني يقال لي ابقدر اجلب الانظار وانا هنا لحالي
لوووووووووووووووول
برجس
ابي برنامج تحويل الصوتيات هذاي قاعد احمله
خابره مجانب هالحين صار يبي له تسجيل
البيانات عندي غدين اعرف لهن

هلا بالاخت كريزما

يالله حيه
لا احم ولا دستور
داخله تسذا على طوووول
على الاقل خلين البس ثوبي واطق الشخص

ابوووصالح
الله من زين الامور انت وهالاسم كريزما
تلخم الواحد ويحسبك امريكيه على هالاسم

يافاهمني انتااااا
اجل ابلفت الانظار
ياهووووووووووووه ياكافشني
منين الفت الانظار وماحولي الا بيبان تصافق
وقراطيس يطير بها الهواء

انت تدري اني احب السواليف والقرق
وان مالقيت احد سولفت على روحي

اجلس مير خل نسولف واذوقك من هالصنف اللي يبي يسمد راسك

:D

برجس الصنف منتاااااز
على كم المحرف منه ؟
حليب دجاجن
وش لون ما ركبت الباص ماشاء الله عليك

طف طف الزقاره يابوصالح
جاء ولد اخوك

هلا حليب دجاجن
يالله حيه
قاعدين انا وعمك ياسر نجرب عود بخور
جايبن معه عودين يقول خل نجربهن
ان طلعن زينات شريت صاع منهن
وان طلعن مهب زينات رجعتهن لراعيهن

حليب دجاجن ..
تراهم يحترونك بالباص
رح اركض قبل يمشي
<< يبي يصرفه

:D

بريداوي أصيل كتب:

سلام عليكم ...

هااااه طسوووو <<<< والله ياهو جدع ربعه ...

اقول برجس ... لا بغيت تخلي الحرامي لاجاء يارط علمن علشان اهج هههههههههههههههه

...

وعليكم السلام ورحمة الله وبركاته
يالله حي الفلاح النشيط
وشلون ربعك بذاك؟

اجلس انت ماعنك غطاء
دوووك << مد له زقاره
يقولون ان هالزقيره تصفي الذهن وتبعد الهموم وتجلب السعاده << يبي يهك عليه
ذق وعلمن وش تشعر به

بريداوي أصيل كتب:

اقول برجس ... لا بغيت تخلي الحرامي لاجاء يارط علمن علشان اهج

...

وقسم بالله مافهمت وش تقول !!
هذا وانت توك ماكمخت الزقاره
وشلون لو تطعه
الله العالم تصير اطررررم وتبدأ تسعبل وانت تهرج

:D

ههههههههههههههههههههههه


الله من التنسيم أنت واياه


أقول برجس .. تعال هناك لا أوقف يوزرك هنا وأخليك تجي غصصصصب

رسـّــــاوي كتب:

ههههههههههههههههههههههه


الله من التنسيم أنت واياه


أقول برجس .. تعال هناك لا أوقف يوزرك هنا وأخليك تجي غصصصصب

بدري عليك توقف يوزري
هذاك اول يوم الدنيا لعب وفلت
اما الحين هالموقع يبي يسجله عاشق الرياض باسمي
يعني انضبط لا اشطبك انت ويوزرك

اقووول ..
وش رايك تشتغل بواب عندي بموقعي؟

اقتباس :

وقسم بالله مافهمت وش تقول !!

اقتباس :

حتى لو دخل حرامي اردى له
<< ناوي يعطبها ويبي ينسى اللمبات والبيبان مفتحه

...

برجس

اللي صار لك قبل شوي

كان مجرد تهديد بسيط

ايه توي افهم يابريداوي

شكراً لمرورك الكريم
اقوووول دنننننننننننننننن هنااااااااااااااااااااااك


رساوي ..
تراي مادريت عنك وعن تهديدك
وخل اللعب ارضي لو سمحت لا انهيك من الانترنت بكبره

:D

رساوي
ماتخبر احد يبيع عرق
المنتدى فضى ومابوه الا انا وانت وهالطرنبه بريداوي
خل نقل ابوووووووووووووهاااااااا

بريداوي ..
اطمر تكفى جب لنا زير حق الماء
علشان احطه عند المدخل
وتكمل المخمخه
ونعيش بجو العزب وبيوت الدشير ومزابن السمرمد

:D

لووك جديد كتب:

لاحول ولاقوة الا بالله

يااابن الحلال اذكر الله وتعال هناك

ترى هالمنتدى مع الوقت بيصير مهجووور ولا حوله احد ونخاف يدخل بك شي منهم وتصير مهبول ومهناش زود على هبالك

يابنت الاجواد انا مرتاح بذااا
انا احب الوحده والبيوت المهجوره اللي مابه احد
لانه تجعلني اخلو بنفسي واتذكر الماضي واخطائي السابقه وابكي عليها
<< يهك على لووك .. يبي يجلس علشان الاصناف اللي انتم خابرين

:D

سيف بن زايد كتب:

خخخخخخخخخخ ..

اقول عطنا واحد ليدر ماكسيمو >> سامع انه افخر انواع التتن

ماعندي مستورد
تبي وطني عندي << يمد له زقاره ملفوفه بورق اسمنت

تصدق اول ماشفت اسم ليدر ماكسيمو
احسبه لاعب اجني محترف بالدوري الاسباني

:D