رحلة صيد بحرية

السلام عليكم ..

من مدة والزملاء بالعمل يرتبون لرحلة صيد بحرية ..

واتفقنا خلال الأسبوع الماضي أن تكون رحلتنا هذا الأسبوع

وبالفعل رتبت الأمور واتفقنا مع راعي قارب (حوات على قولتهم هنا) .. وكانت الرحلة يوم أمس بعد الدوام مباشرة

اتفقنا على التجمع بحدود الساعة 4 ونص في مرسى القوارب

وبالفعل .. اجتمعنا كلنا بحدود الساعة 4:45 دقيقة

كنا 5 أشخاص .. إضافة إلى الحوات راعي القارب وكان من معارف زميلنا اللي رتب الطلعة

خوينا اللي مرتب الطلعة .. متعود على رحلات الصيد ويطلع كثير

واحد ثاني من الزملاء .. راعي غوص وأيضا متعود على طلعات البحر الطويلة واللي يبقون فيها لساعات وسط البحر

والثلاثة البقية واللي منهم أنا .. حدنا دورة أبو نص ساعة بالقارب جنب الساحل

بالنسبة لي كنت شايل هم الدوخة .. لأنهم يقولون إذا وقف القارب في وسط البحر .. وبدأ يهزه الموج .. ممكن تجي للواحد دوخة .. والله يعينه

لكن الحمدلله سهلها الله ومشت الأمور تمام ..

المهم .. ما علينا ..

إليكم بعض الصور

في مرسى القوارب ..




بدينا نبتعد عن الساحل




وصلنا لأول موقع وقفنا للصيد فيه .. وكان العمق تحت بحدود 20 متر .. وهذي لقطة أول ما وقفنا لغروب الشمس





طلعنا سنارات الصيد





وجهزنا الطعم




نجهز الطعم في السنارة..




رمينا السنارات والطريقة ان الواحد ينزل سنارته إلى أن يحسه وصلت القاع .. ويسحبه شوي حدود متر تقريبا .. إلى أن يحس السنارة بدأت تنشد .. يبدأ بشكل سريع يسحب سنارته بحيث ما يعطي مجال لسسمكة انه تفك روحة .. وبحمد الله بدأ الخير يهل ..





بعد ذلك جاء وقت صلاة المغرب .. وكانت هي أطرف شي بهالطلعة ..

كان صعب التوازن على ظهر القارب مع اضطراب الأمواج خصوصا لا جاء الواحد يركع ولا جاء ينزل للسجود واهتز القارب بموجة

بعد صلاة قررنا نغير مكاننا وبالفعل تحركنا ..

ووقفنا في منطقة عمقها .. حول 50 متر ..

لأن يوم نزلوا اللي تثبت القارب مدري وشسمه .. ما وصلت للأرض فما قدرنا نثبت القارب ..

فغيرنا مكاننا شوي .. إلى منطقة عمقها 29 متر ..

وكان الصيد في هالمنقطة أفضل .. بدينا نصيد أسماء أكبر شوي .. بعضهن يمكن ياصل وزنهن 2 كيلو ..

وصدنا بعد سمكة يسمونها (العقام) وهي من الأسماك اللي عضتها شينة وقوية ويقولون ممكن توذي أكثر من القرش .. بس طعمها زين .. وهذي صورتها





وهذولي بعض السمك اللي صدناهن ..





يوم صارت الساعة 9 إلا ربع تقريبا ..

قررنا ننهي رحلتنا ونرجع .. خصوصا إن 2 من الشباب داخوا علينا .. بسبب دوار البحر


وصلنا للمرسى حول 9 ونص ..

وانتهت رحلتنا

كانت تجربة ممتعة بالنسبة لي



وسلامتكم

ما شاء الله رساوي صياد
ما قلت لنا وراه الصيد بالليل مهوب بالنهار ازين واطمن للواحد
الليل يوحش

هلا والله بالخبي

المشكلة وأنا أخوك إننا نداوم

ما عندنا إلا يوم الخميس لو نبي نطلع بنهار

وعيت تزبط يوم خميس

فقلنا ما لنا إلا نروح أي يوم بوسط الأسبوع عقب الدوام

رساوي،

ذكرتني برحلة فرسان، والله يا هي شي،

ناوين نعيدها هالسنه مع بعض التطوير،
ناوين نستأجر بنادق بحر (أم سهم) وبدلات غوص، لزوم الصيد تحت الماء.

هلا أبو الفله

فعلا الصيد ممتع

لكن عاد أنزل تحت وأصيد

ما أظن

رسـّــــاوي كتب:

هلا أبو الفله

فعلا الصيد ممتع

لكن عاد أنزل تحت وأصيد

ما أظن

أنا ما أعرف أسبح خير شر،

لكن با أحاول أجرب وأربط نفسي بحبل مع القارب (مثل رواد الفضاء) والباقي على ماء البحر المالح....

رساوي

وين هذا بينبع والجبيل

يقولون عندنا جزيزه نسيت اسمه يروحون العالم له

بس ماتسد طبيته هو صدق!!

وفعلا الصيد متعه خاصه لو كان بالنهار والجو رايق

انا تسد جربت رحله صيد بس مهب هنا

طيب وش سويتوا بالسميكات شويتوهن ولا قليتوهن

ابو الفله

انتبه بس لاتموت<<بعيد الشر

ياخي البحر ماينبزابه

غداااااااااااااااار وحش اوي

بنت دانبي كتب:

ابو الفله

انتبه بس لاتموت<<بعيد الشر

ياخي البحر ماينبزابه

غداااااااااااااااار وحش اوي

ما عليتس الا العافية،

نبي نستأجر بدلات غوص، ولأني ما أعرف أسبح، فكرت بطريقة الربط بالقارب، موجة منا والا منا وألاهم ساحبينن، وبعدين حسب المخطط اني راح أكون مصور الرحلة <<< امحق مصور

ابو الفله كتب:

رسـّــــاوي كتب:

هلا أبو الفله

فعلا الصيد ممتع

لكن عاد أنزل تحت وأصيد

ما أظن

أنا ما أعرف أسبح خير شر،

لكن با أحاول أجرب وأربط نفسي بحبل مع القارب (مثل رواد الفضاء) والباقي على ماء البحر المالح....

السباحة أعرف له مهب مشكلة

بس غوص

وصيد تحت



لأاااا

كتتتييير كدا

بنت دانبي كتب:

رساوي

وين هذا بينبع والجبيل

يقولون عندنا جزيزه نسيت اسمه يروحون العالم له

بس ماتسد طبيته هو صدق!!

وفعلا الصيد متعه خاصه لو كان بالنهار والجو رايق

انا تسد جربت رحله صيد بس مهب هنا

طيب وش سويتوا بالسميكات شويتوهن ولا قليتوهن

لا هذا في ينبع ..

وطلعنا من مرى ينبع الصناعية



بالجبيل فيه جزيرة جنى

وغيرها بعد

يمدحون طلعات الجزر بالحيل

بس سبحان الله بالشرقية ما كد طلعت طلعات بحر أبد أبد

اقتباس :

بس سبحان الله بالشرقية ما كد طلعت طلعات بحر أبد أبد

هذي أقدر أقول لك ظاهرة، الواحد بديرته ما يطلع واجد، ما أدري ليش، طبعا هذا للأغلب الأعم والا فيه ناس تلقاه بارمة أم المنطقة اللي حوالين ديرتهم...

عاد على طاري الغوص

تسد تمنيت آخذ دوره تدريبيه بحداا

الدول <<<<مهب حاصل لي بالسعوديه كخخخخخ

بس ترا مايصير غوص بدون اسباحه

يعني يصير مثل سياره بلا سواق

ان شاء الله احقق امنيتي يابلمالديف ولا سيشل

<<الاخت مصدقه رووحه
>>ياخوفي اصير ضحيه قرش متهور

ايه والله

انا مثلك الكرنيش من وين الى وين اروحله

مهب عاد صيد ولا طلعه بحر

الهاف مون لي سنتين ماطبيته كخخخخخخخخخ

وشاطئ النخيل لي 9 اشهر عنه

وسبحان الله ولا ادري عن الفعاليات ولا الجزر والرحلات

الا لاجانا زوار<<صايرين يبخصون الديره اكثر منا

بنت دانبي كتب:

عاد على طاري الغوص

تسد تمنيت آخذ دوره تدريبيه بحداا

الدول <<<<مهب حاصل لي بالسعوديه كخخخخخ

بس ترا مايصير غوص بدون اسباحه

يعني يصير مثل سياره بلا سواق

ان شاء الله احقق امنيتي يابلمالديف ولا سيشل

<<الاخت مصدقه رووحه
>>ياخوفي اصير ضحيه قرش متهور

وليش ما يحصل بالسعودية، الظاهر فيه بالشرقية مدربات <<< أظن ظنا...

بالنسبة للغوص، نبي نجرب ونستكشف

وهو فيه قرش ما هوب متهور لا شاف اللحم؟؟؟

لماذا أسلم للبحر أمري وأمنح للريح أيام عمري
وهل في البحارِ سوى العاصفات
تروح بلؤمٍ وتغدو بغدرٍ
وكيف أصادقُ في الصبحِ مداً وفي الليل أمنح ودي لجزرِ
كانت معكم:
عابرة مانع سعيد العتيبة

ماشاء الله حمد الله على سلامتكم رساوي

وزين اللي مادخت عليهم
صور روعه وشكل البحر شئ

سبحان الله



هذي السناره اللي تقل حصاة

ذكرتن برحلتنا لتركيا من زمااااااااان
الصيد متعه خصوصا بعد المحاولات الفاشله

كنافة بالقشطة! كتب:

ماشاء الله حمد الله على سلامتكم رساوي

وزين اللي مادخت عليهم
صور روعه وشكل البحر شئ

سبحان الله



هذي السناره اللي تقل حصاة

ذكرتن برحلتنا لتركيا من زمااااااااان
الصيد متعه خصوصا بعد المحاولات الفاشله

الاوراه سميكاتكم تقل مسويات رجييم خصوصا باخر صوره ههههههههههههههههههههههههههه

نحاف مره

وجع كتب:

لماذا أسلم للبحر أمري وأمنح للريح أيام عمري
وهل في البحارِ سوى العاصفات
تروح بلؤمٍ وتغدو بغدرٍ
وكيف أصادقُ في الصبحِ مداً وفي الليل أمنح ودي لجزرِ
كانت معكم:
عابرة مانع سعيد العتيبة

"لماذا أسلم للبحر روحي"

كان هذا تفكيري وحنا رايحين نبي نطلع

بس مع الشباب الواحد يتحمس وينسى

كنافة بالقشطة! كتب:

ماشاء الله حمد الله على سلامتكم رساوي

وزين اللي مادخت عليهم
صور روعه وشكل البحر شئ

سبحان الله



هذي السناره اللي تقل حصاة

ذكرتن برحلتنا لتركيا من زمااااااااان
الصيد متعه خصوصا بعد المحاولات الفاشله

البحر جميل ورايق

بس والشي السنارة اللي تقل حصاة

هذي فلين .. وفيه بعد خشب

يقولون اللي يدخل بوسط البحر هذا أحسن للصيد

كنافة بالقشطة! كتب:

الاوراه سميكاتكم تقل مسويات رجييم خصوصا باخر صوره ههههههههههههههههههههههههههه

نحاف مره

أغلب السمك اللي صدنا (شعري) على ما قالوا أهل الشرقية

أو (شعور) على قولتهم بذا

صدنا نوعين منه .. الصغير هذا نوع وهو كذا حجمه .. السمكة وزنه حدود 200 إلى 300 جرام

والكبير (فيه في الصورة منه ثنتين) .. هذا نوع ثاني من الشعري له مسمى خاص نسيته



وفيه النوع اللي يجي به لون أصفر .. ونقطة سوداء .. ولا أدري وش اسمه ..



والنوع الرمادي الطويل .. هذا اسمع عقام .. وهي يجي كذا نحيف طويل .. ويجي منه أحجام أكبر حدود متر وأكثر ..

هذا عضته قشراء ..

وقطع علينا السنارات أكثر من مرة ...




إلا من أنت

رساوي

الا اذكر ان السناره ثقيله تقل حصاة عشان تصيد السمك زين

كنا نصيدهن قريب للميناء حقهم يالله يالله تحصل لك سمكه

ابصور لك اياه ان لقيته بالارشيف الاثري حقنا

اقتباس :

إلا من أنت

انا جوووووووووووووود شدعوه

كنافة بالقشطة! كتب:

رساوي

الا اذكر ان السناره ثقيله تقل حصاة عشان تصيد السمك زين

كنا نصيدهن قريب للميناء حقهم يالله يالله تحصل لك سمكه

ابصور لك اياه ان لقيته بالارشيف الاثري حقنا

اقتباس :

إلا من أنت

انا جوووووووووووووود شدعوه

ايييه أثرك تقصدين الثقل ..

ايه هذا رصاص على أساس ينزل السنارة تحت


وحياك الله يا جود

مشااء الله

اعجبتن صوره الغروووب

عاد طعم السمك طازج احسه شي