ليش التحقير من عقلنا !!!

...
مع احتراااامي ...لرسام الكاركيتر ...
ورسماااته كثيررر تعجبني وتعبر عن ألف مقاااال ... ماشاالله علية ...
انتم شفتووو مقابلته بالمجد <<< بدت بالحش...سكتوها .
نرجع ..لكركاتير ...
الحين يعني انتم يالرجال عندكم عقووول اكبر منا تحفظون الشوارع .. ..
ولا ...وش بكم يفرق ..عنا ..
شكلي ابسوي مظاهرة ضد الهليل <<مب بس هالكاركتير ..
داايم يرسم المرأة ..حااطة جدايل ولابسة مقطع ..<<< انا مااادري وين عايش باي عصر ..

يالله بنات ..نسوي مظااهرة ضدة

كتبت رد ..طوووويل ..
لجراح ..وسحاب ..
ورااح <<النت حووسة
خلاص قفلت اذا انفتح اللي براسي رجعت اعلق..

جلنار ,,


ليس الأمر مقدرة على الحفظ


بل هو القدرة على الربط ورسم الصورة الذهنية لخارطة الطرق والقدر على تحديد الاتجاهات


طبعا .. لا أقول المرأة ينقصها هذا الشي .. والرجل لا


هناك من الرجال مهو يدربي راسه ولا يدري وش السالفة


ومن النساء اللي ما شاء الله تعرف وتدل .. وهي اللي توجه اللي يسوق به



ولكن الغالب .. في النساء الافتقار لهذا الأمر



والغالب في الرجال الإلمام بهذا الأمر



السؤال ليش تكون هالشيء ابتداء ؟! وليش صار فيه نظرة معينة من المجتمع (يغالى فيها بالتأكيد) تجاه المرأة على أنها أقل وعيا وإدراكا ..

أما عن التساؤل الأول فأقول أن المرأة تعودت عندنا على أن تكون مخدومة مجابة الطلبات .. محفولة مكفولة .. ولذلك أصبحت لا ترهق نفسها كثيرا في محاولة معرفة هذا أو ذاك .. طبعا فيما يتعلق بموضوعنا هذا على وجه الخصوص

ومع مرور الوقت صار فيه فجوة .. وتشكلت تلك النظرة من المجتمع تجاه المرأة




هذا رأيي



تحياتي للجميع

مسيتس بالخير ياجلنار القصمان

والله أنوه صادز بعض الحريم ماتدري وينهي بوه

وبعضهن ماشاء الله دلوله <<مثلي


لكن يضلون الرجال يحقروننا مدري ليش

مرتن أنصك المصعد علي وعيا لا يفتح بمكه

معي جوالي ودقيت على أبوي وقلت لوووه

قال الحمدلله والشكر أفتحيه وأطلعي

قلت متعطلللللللللللللللل ولا ما نيب غبيه أعرف أفتحه

صدز رفعة ضغط

هههههههههههههههههههههه


عاد سالفة جنوب ذي

انا عندي مشكله باليمين واليسار وش عاد جنوب وشمال

ياهلا جلنار

المشكله مو بس الكريكاتير

بكل مكاان هالتهميش والتحقير موجووود

وكل من يهمش المرءه باي صووره كانت يدل على ضعف عقله ووعيه

عشان كذا لايهمك من حاول تحقير امرءه او تعمد اهانتها

جراح نت كتب:

.


.


أهلاً جلنار ..


الهليل ليس وحيداً هنا .. هذه نظرة مجتمع ..

المرأة تساهم إلى حد كبير في إنتشار هذه الفكرة .. من خلال إزدرائها ببنات جنسها ..

( لو ) قادت المرأة السيارة فلن تكون أسوأ مما نشاهده من قوافل الذكور بأدائها المتخلف بشوارعنا ..

قلت ( لو ) ولم أقل إذا ... لذا لزم التنويه .. المنتدى يكفيه مافيه ..

شكراً جلنار ..

تحياتي .

ومتى تتغير نظرة المجتمع ذي !!!!
المرأة عندنا حصلت على اعلى الشهاددات زيها زي الرجال ...
وفعلا ..بعض النساء تربي اولادها على كذا !!1
شكراا جرااح على مرورك هنا

عيون المكيف كتب:

هههههههههههههههههههههه


عاد سالفة جنوب ذي

انا عندي مشكله باليمين واليسار وش عاد جنوب وشمال

والله حتى بعض الشباب كذا

يتعب الواحد لا جاء يوصف لهم

سحاب كتب:

صادقه جلنار ... طبعا الكلام مايعمم على الكل ...

استهزاء موطبعي بالشكل بالتصرف بكل ماتسويه المرأة عندنا

حتى ذاك اليوم جايبين بأحد القنوات شاعر سعودي مستضيفته مذيعتين مو سعوديات

وجالس يلقي عليهن قصيدة عن السعودية اذا ساقت وش بتسوي !؟

الله واكبر عليه ... هي ناقصه عن غيرها

ومثل ماقلتي على انه تعجبني رسومه وتعليقاته بس المرأة بهالرسوم لبسها غير الواقع الحين

تحياتي

وووواوووو عصبت ..وانا ماشفت المقابلة ...وووه بس
يعني اللي قدامة مخلوقات فضائية يختلفن عن السعوديات !!!!!!!
وياهلا ومسهلا نوووف شرفتي هنا ,,,

لووك جديد كتب:

هذولي حنا دايما ملطشه للي يسوى واللي مايسوى

بس ان شاء الله لنا الجنه

ماشاء الله الحمد لله على عودتك جراح نت

بس ليش علقت على هالموضوع بس والباقي جحدته !!!

لالالايا حبيبتي نبي الجنة والدنيا بعد
وسنقتحم العالم ..<<اقول اعقلي

هلا وغلا لوووك ...

موضوعك مررررررررررره حــــــلو

يعطيك ربي العافيه

احس اللي يحقر المرأة مو رجل
لأنه كأنه يحقر نصفه الثاني
كأنه يحقر أمه وأخته وبنته

وسلامتكم

عيون امكيف &&
اهلييييييين ...اجل انصك فيتس المصعد <<< ياااويلي فيلم رعب ..
ويسلم لي مرورك ...
<

ام الهنوف&&
اهليييييييييييييييين ...يااختي وش موديكي السويدي ماافي قصمان هناك ؟؟؟ وشلون ؟؟؟<<طلعت لقافة الحريم ههههههههههه
ومسألة جنوب وشرق ...عشااننا ماتعودنا نسوق ...ونلف الرياض ززيهم << خلينا بس نتعلم وننافسهم
يسلم لي مرورك
<
حوور&&
مرورك الاحلى