فرســـــــــــــــــــــــــان ... وقصائد ...!!!

أما أنا فاليوم صباحي من جد غير


ومتهيض من جد



...


راجع لك

هالقصيدة



لها طعم خاص



(يالله أنا طالبك حمر هوى بالي) << ارعص - فراج ابن ريفه القرقاح القحطاني

حاولت أجيبه مكتوبة ..


بس مالقيت لها كتابة صحيحة ..


دائما فيها أخطاء



تحياتي

هذا أصح ما وجدت


يالله أنا طالبك حمر هوى بالي *** لا روح الجيش طفّاح جنايبها

لا روح الجيش حاديه أشهب اللالي *** لاهي تورد وسيع صدر راكبها

اللي على كورها واللي بالاحبالي *** واللي على المردفه واللي ابغاربها

لا روحت مع كباريت الخلا الخالي *** كن الذيابة تنهش من جنايبها

تزهى السفايف وتزهى الخرج وحبالي *** ومجرب للسرى بالليل صالبها

حي الطويلة وحي اللي شراها لي *** من واحد جابها للسوق جالبها

شريتها بالدهر يوم ارخص الغالي *** بامية وخمسين ما يمهل يغايبها

حديدها واذكر الله كنه اريالي *** كن الحيايا تلوى في مقاضبها

اضرب بها الوعل لا منه تهيا لي *** ابو حنية كبير الراس شايبها

لا ثار بارودها للعود متّالي *** منها الريا يا مقطعت نشايبها

واليا لفونا من المقناص زعالي *** احدن مدح بندقه واحدن يعذربها

بشرتهم بالعشا من عقب مقيالي *** القايدة مع مرد الكوع ضاربها

اييييييييييه يا بريداوي ..

ذكرتن بـ (مجلس العقيلات) في القصمان قديما

بريداوي ...


قم شب نار نورها يقتدى به << ارعص هنا


<< لا يفوتك صوت النجر

صباحكم شعر

ويعطيكم العافيه على هالاختيارات الرائعه

أيضا أحمد الناصر الشايع


(قلبي اللي تجدد جروحه)

^^


ما أدور الا غزل أنا طال عمرك

أحمد الناصر الشايع


كل من عاش بالدنيا شاف العجايب <<< ارعص

يعطيكم العافية على
هذه الاختيارات الرائعه

يالله حيهم وش هالقصايد السنعة

لاشفت ضول الناس بالك تعسة ===== لاجنبك شر المخاليف خله

قصيدة طويلة للشاعر بن مهلهل ومليئة بالنصائح

يقول في اولها

طس السبيل من اشقر اللون طسه === الشاوري يغدى عن التسبد علة
لاشفت ضول الناس بالك تعسه === لاجنبك شر المخاليق خلة
ويلا جاك مغرورا يفاخر بحسة == = متغلطاً والدرب عيا يدلة
عليك بالمحجان وبعدين دسة == === حتي يضيق الملح عن مضنك لة
وايلا ادبح الشاكوش وثار حسة === يروح عن تسبدك غثى كل علة
لاصار سلاحك عن لزومك تدسه == ماينقعد لك في ديار المذلة


وقصته طويلة ومشهورة


بس اعجبني البيت اللي يقول فيه
لاشفت ضول الناس بالك تعس ==== لا جنبك شر المخاليق خله

سلامات اجل متهيضين


<<<متى ماتهيضت لطت ذاك القصيد

بريداوي ...



اليوم يبي يجيك الكل متهيض






==================




اسمع هالقصة ..


زار شخص من الهلالية، يلقب بعويذا، خاله صالح المقرن في مزرعته (المطيرية) في البدائع.

وفي المساء أخذ عويذا ديكاً وذبحه ولفّه ووضعه تحت عباءته، وذهب مع خاله لزيارة محمد بن سليمان الوهيبي.

ولما دخلوا قهوة الوهيبي، قال عويذا للوهيبي (والله يا عم لن نخجل منك... نريد نتعشى معك)، وأعطاه الديك المذبوح.

ذهب الوهيبي إلى زوجته، موضي بنت صالح القرناس ، وسألها إن كان عندهم ما يقدمونه للضيوف، فأخبرته أن لديهم قليلاُ من الرز، كانت تدخره للضيوف، فطلبه منها، لأنه كان رجلاً كريماً، وكان يعلم أن الديك الذي أحضره عويذا لا يكفي للعشاء حيث أن عويذا كان رجلاً أكولاً.

أخذ محمد الوهيبي الرز، وأخذ ديكاً سميناً من عنده. وكان في ذلك اليوم قد ذهب للبر يرعى إبله فصاد ضباَ، وأعطى الضب لابنه الصغير عبدالرحمن (دحيم) ليلعب فيه. وكان دحيم قد خلد للنوم عندما زارهم عويذا وخاله، وقد خبأ ضبه تحت قدر من القدور حتى لا يهرب الضب.

أخذ محمد الوهيبي ضب دحيم، والديك، والرز، والديك الذي أتى به عويذا معه... أخذ الجميع إلى القهوة حيث عويذا وخاله، وأشعل النار، وبدأ طبخها.

كان عايد الهتيمي عاملاً عند محمد الوهيبي، ويسكن في مزرعة الوهيبي. وحيث أنه رجل يحب السمر والأنس وتبادل الحديث، فقد كان يأمل أن ينادوه ليشاركهم السمر. ولكنهم لم ينادوه. أتى عدّة مرّات إلى القهوة، ولكرامته وعزة نفسه، لم يشأ الدخول بدون أن يقوموا بدعوته... ويبدو أنهم لم يلاحظوا ذلك. ولما رأى عايد أن طعام العشاء قد نضج، وأنهم استعدوا لتناوله، ذهب إلى بيته للنوم، ولم يدخل عليهم.

عندما انتهى الرجال من الأكل، أخذ الوهيبي ما بقي من الطعام إلى أهل بيته ليأكلوا ما بقي. وفي الواقع لم يكن بقي شيء من الطعام يذكر، فقالت زوجة الوهيبي (موضي بنت صالح القرناس): (عويذا، لن يبقي شيئاً بعده!)، ورمت ببقايا العظام خارج البيت.


وقد سجّل عايد الهتيمي هذه القصة الظريفة بأبيات شعرية، فقال:



البارحِهْ جانا عويذا وخَــــالُهْ
مِسْتَدَخِلٍ دِيكُهْ ولا فيه تَشكيـــكْ

وهَلاَّ ورَحَّب عَمِّنَـــا مِن جَلالُهْ
ومن الكرامِهْ حَطّْ دِيكٍ على ديــكْ

ورزٍّ على حنجرّته له حْفَـــالهْ
وضبًّ من المِجْناب زَودٍ على الديك

وأنا أتوحى مَير مابي جهـــاله
لو كالموني كان عندي بَعَد ديــك

وإلى عويذا ماضيـــاتٍ فعاله
دبٍّ لكَ الله يضهد الدّهكْ ويحيــك

دجاجنا يتمتْ وعَدْمت رجــاله
والصبح ينعن فاقداتٍ هاك الديــك

ودحيم عِقْب الضب وشٍ جرى له
ما بيده إلا صفقةٍ وقال ييــــك

مير عاشت يمينَه عمتي به شكاله
ما دكّ في باله كثير الدواكيـــك

شَـامَتْ عن الفَضْلِهْ ولاهِيبْ بالَهْ
تقُول هاذولي يِجُوزِنّْ مَحَكاكيــكْ

سحاب كتب:

هي خاربه خاربه كتب:

سلامات اجل متهيضين


<<<متى ماتهيضت لطت ذاك القصيد

مساء الخير شقحه ..

وش رأيك طيب بهالابيات ؟ >>> بتحاول تأثر عليها

لاتلومني لاجيت كلي من اقصـاي ,,, مافيـه غيـرك لاتضايقـت جيتـه

جيتك ولاغيرك ذكرتـه بمسـراي ,,, جيتك وكل انسـان غيـرك نسيتـه

جيتك وانا ماني بأنـا تايـه الـراي ,,, جيتك وانا مدري وش اللـي بغيتـه

جيتك وقلبي دقتـه تسبـق خطـاي ,,, جيتـك اقـول مفارقـك ماقويتـه

......

.

.

.

الله عليتس ابيات روعه<<<يقال هيضتين