| | اللي سهران ومصحصح يدخل ,,,,, | |
|
+7شهد الأيام مجنونهــــــــا لووك جديد محبس الجن الــ راي ــق ام الهنوف نجمة إمسيان 11 مشترك | |
كاتب الموضوع | رسالة |
---|
بريداوي أصيل قـصـمان
عدد الرسائل : 235 تاريخ التسجيل : 17/03/2007
| موضوع: رد: اللي سهران ومصحصح يدخل ,,,,, الثلاثاء 27 مارس 2007, 11:02 am | |
| | |
| | | محبس الجن قـصـمان
عدد الرسائل : 203 تاريخ التسجيل : 16/03/2007
| موضوع: رد: اللي سهران ومصحصح يدخل ,,,,, الثلاثاء 27 مارس 2007, 11:08 am | |
| هالحين سالفة راكان مكررة بموضوعين وانتم نفس الاشخاص
اللي تكلمتوا بالموضوع هناك وهنا 000
وحدوا ردودكم في موضوع واحد حتي لانبلش بينكم | |
| | | الغريبة شوق قـصـمان
عدد الرسائل : 283 تاريخ التسجيل : 16/03/2007
| موضوع: رد: اللي سهران ومصحصح يدخل ,,,,, الثلاثاء 27 مارس 2007, 11:37 am | |
| محبس هذا الموضوع لاختنا نجمة مسيان لذلك انا حطيت قصة راكان بموضوع جديد عشان ما نحوس موضوعها الخاص بالامثال | |
| | | نجمة إمسيان قـصـمان
عدد الرسائل : 86 تاريخ التسجيل : 25/03/2007
| موضوع: رد: اللي سهران ومصحصح يدخل ,,,,, الأربعاء 28 مارس 2007, 1:15 am | |
| - رسـّــــاوي كتب:
-
- اقتباس :
- عنز الشيوخ نطاحه
هذا المقصود منه اترك عنك التحرش بمن هو أعلى منك قدرا
لأنهم عندهم من يدافع عنهم .. لو هي عنزهم شكرا رساوي على المشاركه والتوضيح كلهن صح >>> اكيد يبن يطلعن صح معك | |
| | | نجمة إمسيان قـصـمان
عدد الرسائل : 86 تاريخ التسجيل : 25/03/2007
| موضوع: رد: اللي سهران ومصحصح يدخل ,,,,, الأربعاء 28 مارس 2007, 1:29 am | |
| - يسقط برجس كتب:
- نجمة إمسيان كتب:
-
1كل خوفنا من مانعه ! ما نعه هذي وحده ست ** هذي شكله مرتن قشرااء بالحييل يسد اسمه مانعه .. عندي احساس انه مرة ابووو ولاعنتن جدف عياال الاوله
2كلا ريقه بثمه حلو ! ** هو صادز كلن ريقه حلو باثمه .. ياتي بمعنى كل واحد معجبه الشي اللي يمتلكه وهذا يقابله المثل العربي المعروف : كل فتاه بابيها معجبه .
3لا تقل حب حتى توكيه الغراره ** هذا يبيله بحث وتحري واستفسار
4عرقة سدير جزاك الله خير ** ههههههههههههههههه لا يزعلون عليكم بعض الناس << يقصد راعية سدير عذبة التجريح عرقة : يعني اجر سدير : ديرة سدير المعروفه جزاك الله خير: دعاء ياتي بمعنى الاجر اللي يعطونك اياه اهل سدير للي يسدي لهم خدمه قولهم جزاك الله خير وهي مدحه وان فهمناها بخلاف ذلك لان النبي صلى الله عليه وسلم قال : (من استعاذ بالله فأعيذوه ومن سأل بالله فأعطوه ومن دعاكم فأجيبوه ومن صنع إليكم معروفا فكافئوه فإن لم تجدوا ما تكافئونه فادعوا له حتى تروا أنكم قد كافأتموه) . [size=12]وقال رسول الله صلى الله عليه وسلم : (من صنع لاخيه معروفا ثم قال له جزاك الله خيرا فقد ابلغ في الثناء) يعني عرقة اهل سدير احسن عرقه وافضل الكلام << يبي يرقع لهم
5 شاة أمس ** يمكن تاتي بنفس المعنى الذي جابه حلم القايله وهي صيد امس
6زبدة الهرج نيشان ** هذا شرحته نجمة امسيان وهو نفس كلام محبس وننتظره يجيب لنا باقي الابيات
7السوم زهره ** ما اعرفه
8شبربريمه ربع قرص يضيمه ** كذلك اول مره اشوفه
9 شخب طفح لا في يدي ولا في القدح ** فسره رساوي الله يخليه لنا ذخر شبيه القمر
10 صفقت له نجد ** نجد الديار المعروفه يعني مدحته او اعجبت بفعله وصفقت له ياخوفي تصير نجد هذي اسم وحده لاننا نقول مثل بيننا يالرجاجيل نقول حين يدق جوال احدهم في مجلس صفقت له يعني نادته مرته
11 ضربه المهمهيه ** شكله ضربه بالصميم والمهمهيه تدل على اسم معين
12 طشه ما وزنت ** الطشه احتمال تكون الرميه ماوزنت يعني لم يزنها صاحبها حين رميها لذلك اتت خاطئه
13 طوفن والحقن به ** طوفن اتوقع انه اسبقن لكن وشلون تجي اسبقن والحقن به ماودك الواحد يتفلسف واجد ويفسر الامثال
14طيرة جعل خن بط , إذا عرفتوا معناه تتوبون عن قولة خن بط اللي دايم تقولونه ** الله يستر .. وش معنى خن بط؟ ترانا نقول هالمثل واااجد
15عنز الشيوخ نطاحه ** ذكر تفسيره رساوي الله يخليه لنا
16عورا وعصايه ** يعني العين منبخقه وعوراء والراس مربوط بعصابه العصابه هي الخرقه التي تربط على الراس يقول البعض اذا بغى ينتخي بجماعته وربعه : ياعصابة راسي وياحزام بطني
17عيال الشيبه للخيبه ** ياتي على سبيل التحسر والتألم بان عيال اكبر القوم وهو الشيبه للخيبه اي للشي الخايب العايب
18غبت وقبت ** اتوقع ان اللي قايل هالمثل مصري يقصد واحد سافر وغاب همن رجع محمل بالهدايا وجاب كل خير غبت : من الغياب قبت : يعني جبت المصري قلب الجيم قاف
19فلان مثل البرج ما ينتحرك , اللي ما يعرفه زين لا يفسره يطيح بورطه ** ابفسره واللي يصير يصير ومدامتس قلتي اللي مايعرفه زين لايفسره يطيح بورطه اكيد ان المقصود بالبرج غير البرج المعروف لايصير البرج حق القاذورات يسمونه برج منول والله ياهوو مثل دماااار ذااا وفيه اساءه قووويه لمن يوجه له الكلام ننتظر التفسير من الكتاب
20 يقاقي ولا يلاقي,, ** مثل قولنا هرج فلان لطلطه يعني هرجه واجد وانا وانا وعند الصدز ماتشوف الا غباره ولايلاقي خصومه .
21 في التنحه والتانحين, ** الظاهر انه مثل قولنا : فلان متنّح اي مفهي اي ساهي او ساج
22 قال وين الصياح ؟قال عاروض ** ما اعرفه
23 كل يصدر بس ماكل يروس ** هذا مثل فلالييح .. اسالوا عنه بريداوي اصيل ويعلمكم
24 لسانه تزلق به الصعوه , ** الصعوه خابره طير هالمثل يذم الشخص اللي مايتحفظ بهرجه ولا يوزن الكلمه قبل يطلعه لذك لو توقع صعوه على لسانه زلقت رغم انه في الغالب مايزلق الا الثقيل بالجسم البطي بالحركه والصعوه خلاف ذلك وهذا كنايه عن كثرة بربسه راعي اللسان
:D
ما شاء الله عليك ما خليت ولا بقيت رهيبه هههههههههه
بس بقي كم توضيح :
مانعه ما أبعدت بتفسيرك كانت إمرأه تأكل لحوم البشر أيام الجوع في نجد كما تقول الخرافه ,,
السوم زهره : يعني إذا ما بعت البضاعه بعد السوم الزين فهي مثل الزهره بسرعه تضيع,
شير بريمه ربع قرص يضيمه : واحد يمدح زوجته أيام الفقر يقول رشيقه مقاس خصره شبر البريم هو الخصر, وإذا أكلت ربع قرص تضايقت من الشبعه ,
صفقت له تجد: أهل نجد يومهم يسافرون للغربيه إذا رجع واحد منهم ما صبر قالوا صفقت له نجد,
طوفن والحقن : تصدق علي واشل الصدقه لبيتي في التنحه والتانحين : يعني بالطريق اللي يودي ولا يجيب,
والله يوفقك ويحسن إليك ما قصرت يا برجس | |
| | | نجمة إمسيان قـصـمان
عدد الرسائل : 86 تاريخ التسجيل : 25/03/2007
| موضوع: رد: اللي سهران ومصحصح يدخل ,,,,, الأربعاء 28 مارس 2007, 1:33 am | |
| - بريداوي أصيل كتب:
اولا اشكر صاحبة الموضوع ... واسمحيلي اتداخل مع هالنشبة برجس الشمتة ... بس قبل اقولتس ... شكراً على الموضوع ... . . . نجي لك ... تقووول ... ضربه المهمهيه [color=blue]** شكله ضربه بالصميم [color:d2fb=blue:d2fb]والمهمهيه تدل على اسم معين
ياشين اللي يتفلسف وهو ماعنك أحد ... المهمهية هي البادية ... ماسمعت قول راكان بن حثلين اما غدا راكان بالمهمهيه **** والا رجع يصهل صهيل الحصاني . . . . 16عورا وعصايه ** يعني العين منبخقه وعوراء والراس مربوط بعصابهالعصابه هي الخرقه التي تربط على الراس يقول البعض اذا بغى ينتخي بجماعته وربعه : ياعصابة راسي وياحزام بطني هههههههههههههههه بالله وين العصابة من العصاية ... اوالله متنح هالولد ... لا ومن زين الطبايع قاعدن يتفلسف العصابة هم العشيرة واللي يربط بالراس ... ياشينك انت وخشك ... المثل يقولك عصاية ... يعني مثل قولنا عور وينشق ... ياشين لاعمرك تبزع ... . . . . . . 23 كل يصدر بس ماكل يروس
. هذا شرواك يابرجس القلهي ...
برجس انت >>>> ...
كل الشكر لك أخوي على التوضيح وعلى إثراء الموضوع , الموضوع للجميع واللي يشارك هو المتفضل علي | |
| | | نجمة إمسيان قـصـمان
عدد الرسائل : 86 تاريخ التسجيل : 25/03/2007
| موضوع: رد: اللي سهران ومصحصح يدخل ,,,,, الأربعاء 28 مارس 2007, 1:36 am | |
| - الغريبة شوق كتب:
- موضوع روعه
شكرا لقلبج نجمه
بس برجس حرق علينا الامثله :)
عموما
ماقل دل وزبدة الهرج نيشان *** والهرج يكفي صامله عن قليله
البيت للشاعر راكان بن حثلين حسب علمي
- كل الشكر لك يا شوق , واللي يشارك بموضوعي هو المتفضل علي, ومشكوره على التوضيح-- | |
| | | | اللي سهران ومصحصح يدخل ,,,,, | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |